𝐌𝐚𝐜𝐚𝐥𝐢𝐦𝐢𝐢𝐧 𝐭𝐚𝐛𝐚𝐛𝐚𝐫 𝐤𝐮 𝐬𝐚𝐚𝐛𝐬𝐚𝐧 𝐋𝐮𝐪𝐚𝐝𝐝𝐚 𝐓𝐢𝐥𝐦𝐚𝐚𝐧𝐭𝐚 𝐤𝐚 𝐬𝐨𝐨 𝐛𝐢𝐱𝐢𝐧𝐚𝐲𝐚 𝐌𝐚𝐚𝐦𝐮𝐥𝐤𝐚 𝐆𝐚𝐥𝐦𝐮𝐝𝐮𝐠 𝐨𝐨 𝐤𝐚 𝐝𝐡𝐨𝐨𝐟𝐚𝐲 𝐆𝐚𝐫𝐨𝐨𝐧𝐤𝐚 𝐀𝐚𝐝𝐚𝐧 𝐂𝐚𝐝𝐝𝐞. 𝐓𝐚𝐚𝐫𝐢𝐢𝐤𝐡𝐝𝐚: 𝟏𝟖 𝐒𝐞𝐛𝐭𝐞𝐦𝐛𝐚𝐫 𝟐𝟎𝟐𝟓

Waxaa saaka garoonka diyaaradaha caalamiga ah ee Aadan Cadde ka dhoofay koox macalimiin ah oo ka tirsan ururka SONAD (Somali National Association for the Deaf), kuwaasoo u socdaalay in ay ka qeyb qaataan tababar lagu xoojinayo xirfadooda ku aaddan barista luqadda tilmaanta (Sign Language) ee dadka maqalka la’.
Socdaalkan waxaa hoggaaminaysa 𝐌𝐚𝐫𝐰𝐨 𝐒𝐚𝐛𝐢𝐫𝐢𝐧 𝐂𝐚𝐛𝐝𝐮𝐥𝐥𝐚𝐚𝐡𝐢 𝐅𝐚𝐚𝐫𝐚𝐱, guddoomiyaha ururka Somali Sign Language Association, oo ah haldoor si weyn uga shaqeeya horumarinta xuquuqda dadka naafada ah, gaar ahaan kuwa maqalka la’. Marwo Sabirin ayaa caan ku ah dadaallada joogtada ah ee ay ugu jirto sidii kor loogu qaadi lahaa tayada waxbarashada loogu tala galay dadka maqalka la’.
Ujeeddada safarkan ayaa ah in kor loo qaado tayada macalimiinta wax bara ardayda maqalka la’ ee ku sugan guud ahaan deegaanada Galmudug, iyadoo la rajeynayo in tababarkani uu sare u qaadi doono fahamka iyo awoodda barayaasha si ay u gaarsiiyaan ardaydaas waxbarasho tayo leh oo loo dhanyahay.
Howshan qeyb ayey ka tahay dadaallada ballaaran ee lagu horumarinayo fursadaha waxbarasho ee ay helaan dadka naafada ah, si loo xaqiijiyo sinnaanta iyo ka-qaybgalka buuxa ee dhammaan bulshada Soomaaliyeed.